پنجاب میں سیلاب کا خطرہ۔۔ادارے الرٹ رہیں:مریم نواز
وزیراعلیٰ پنجاب مریم نواز شریف نے اربن فلڈنگ کے خدشہ کے پیش نظر متعلقہ محکموں کو ہائی الرٹ کر دیا
لاہور:وزیر اعلیٰ مریم نواز شریف کا کوہ سلیمان کے علاقے رود کوہی اور فلڈ کے خطرہ کی پیش نظر ڈیرہ غازی خان انتطامیہ کو بھی الرٹ رہنے کا حکم دے دیا۔وزیر اعلیٰ مریم نواز شریف کا بارش کے پانی کی جلد ازجلد نکاسی یقینی بنانے کی ہدایت۔
گلی محلوں سے بھی بارش کے پانی کی نکاسی کے انتظامات کا حکم دینے کے ساتھ لاہور سمیت دیگر شہروں کے نشیبی علاقوں سےبارش کے پانی کی جلد نکاسی کے انتظامات کئے جائیں۔سڑکوں اور گلیوں میں بارش کا پانی ذیادہ دیر نظر نہیں آنا چاہیے، تمام وسائل بروئے کار لائے جائیں۔وزیر اعلی پنجاب نےکہا ہےضلعی انتظامیہ، پی ڈی ایم اے، ریسکیو 1122 اور دیگر ادارے ہنگامی صورتحال کے لئے تیار رہیں۔
بارش کے دوران ٹریفک کی روانی برقرار رکھنے کے لئے وارڈن موجود رہیں۔لوگوں کو کوٸی مسٸلہ نہیں ہونا چاہٸے۔
